Кватэры для птушак

Из нашей почты Поляна друзей

Яшчэ зімой у рамках шостага школьнага дня вучні пачатковых класаў Навасёлкаўскай школы ўключыліся ў акцыю “Дапаможам птушкам”. З задавальненнем майстравалі кармушкі з падручных матэрыялаў – атрымаўся арыгінальны птушыны гарадок.

кватэры

Якіх толькі “кафэшак” не з’явілася: з пластыкавых бутэлек, з картонных скрыначак, з бляшаных слоічкаў! Вучні рэгулярна прыносілі корм, каб пярнатыя ў любы час маглі падсілкавацца смачнымі зярняткамі і хлебнымі крошачкамі.

А ў пачатку вясны быў аб’яўлены конкурс на лепшую шпакоўню. Па ўсёй акрузе разносіўся стук малаточкаў, акуратна прымацоўвалася дошчачка да дошчачкі. Асабліва вылучыліся сваім арыгінальным падыходам другі і трэці класы. Яны і прадстаўлялі школу на раённым этапе конкурсу, дзе занялі ганаровае трэцяе месца.

Валянціна Ягораўна ГУДКОВА, класны кіраўнік 2-га класа.

Гродзенскі раён, Навасёлкаўская школа.



1 комментарий по теме “Кватэры для птушак

  1. Малайцы! Вось такія правільныя звычкі і трэба прывіваць дзецям.

Добавить комментарий

Ваш e-mail не будет опубликован. Обязательные поля помечены *