Святкуем разам

15 сакавіка, у дзень 25-годдзя Канстытуцыі Рэспублікі Беларусь, вучням старэйшых і малодшых класаў Паляцкішскай сярэдняй школы запомніцца надоўга.

Менавіта ў гэты дзень старшакласнікі Нікадзім Ненартовіч, член моладзевага парламента, і Уладзіслаў Пажарыцкі на ўрачыстым мерапрыемстве “Мы – народ Рэспублікі Беларусь”, якое адбывалася ў Воранаўскім раённым цэнтры культуры і народнай творчасці, атрымалі свой першы пашпарт. Галоўны дакумент краіны юнакам ўручыў ветэран Вялікай Айчыннай вайны С. А. Жук На сустрэчы з намеснікам старшыні райвыканкама А. А. Карповічам вучні разважалі на тэму “ Што значыць быць патрыётам сваёй Радзімы”. У выніку вырашылі, што патрыёт – гэта не толькі той, хто здзейсніў подзвіг, але і той, хто размаўляе на роднай мове, памятае свае карані, не забруджвае навакольнае асяроддзе. Намеснік начальніка аддзялення пагранічнага кантролю «Беняконі 1» па ідэалагічнай працы В. А. Купцэвіч пазнаёміў вучняў з правіламі карыстання пашпартам.

А першакласнікаў у гэты дзень чакала незвычайнае падарожжа на цудоўным караблі ў Краіну Акцябрынку. На шляху сустрэлася шмат перашкод. Прыбыўшы на востраў Літар, вучні расказалі правілы карыстання кнігаю, пазнаеміліся з навінкамі бібліятэкі. Наступным прыпынкам быў востраў Дапытлівых. Першакласнікі разгадвалі загадкі, адказвалі на пытанні Усёзнайкі. Колькі было ўраджанняў у дзяцей, калі апынуліся на востраве Неахайна. Вакол смецце, рэчы раскіданыя. Вучні хутка дапамаглі Машы – расцярашы прыбраць у пакоі і скласці партфель у школу. Ніхто не захацеў застацца на такім востраве. Наступным прыпынкам была Паляна Юных Мастакоў. Першакласнікі паўтарылі геаметрычныя фігуры, а пасля пры іх дапамозе намалявалі цудоўныя малюнкі. І вось яна – Краіна Акцябрынка, незвычайная, невядомая. Легенду пра акцябрат расказала Юстына Урублеўская, задавала пытанні, разам вызначылі: хто ж такія акцябраты. Прычапіць акцябрацкія значкі даручана лепшым піянерам дружыні імя Валі Коціка. Прынятыя акцябраты паабяцалі добра вычыцца і старанна выконваць законы акцябрат.