Дарагія сябры! Адгадайце, калі ласка, загадку, а мы раскажам вам пра наш квэст з адгадкай-ключавым словам квэсту.
Дык вось. Было жоўтым, вырасла зялёным, сонца пацалавала, зноў жоўтым стала. Што гэта? Правільна , зерне.
Наша краіна Беларусь славіцца вырошчваннем многіх відаў збожжавых культур. Мы разгледзем 6 асноўных. Жыта вырошчваюць для прыгатавання галоўнай стравы на стале – чорнага хлеба. Пшаніца ідзе на выраб мукі, белага хлеба, макаронаў. З ячменю вырабляюць пярловыя і ячневыя крупы. Любімае многімі “Мюслі” робяць з аўса, а аўсяны кісель з’яўляецца адметнай нацыянальнай стравай. Адна са старажытных культур на нашым фотаздымку-кукуруза, зерне якой выкарыстоўваецца ў ежу і ў выглядзе адвараных свежых катахоў, і як любімыя дзяцьмі кукурузныя палачкі.
Беларусь я’яўляецца адным з асноўных вытворцаў яшчы адной зерневай культуры. З яе таксама вырабляюць хлебапякарную муку, печыва, макароны, сухія сняданкі. Гэта гібрыд пшаніцы і жыта. А каб даведацца яго назву, адгадайце крыжаванку. У чырвоным слупку з’явіцца назва гэтага збожжа.
У радок:
1. З якога збожжа робяць хлеб? 4 літары
2. Высокая расліна з катахамі, гатуюць поп-корн? 8 літар
3. Куды трэба везці збожжа, каю зрабіць муку? 4 літары
4. Чым малацілі калоссе ў даўніну? 3 літары
5. З яе робяць белыя булачкі. 7 літар
6. Расце на поўдні Беларусі, пчолы збіраюць з яе нектар, а людзі вараць кашу. 6 літар
7. Калі з’еш кашу “Геркулес”, станеш моцны. Што за расліна? 4 літары
8. Дапоўніце прыказку: “Якая ….., такі і хлеб” 5 літар
9. У каго вусы даўжэй за пана? 6 літар
У чырвоным слупку атрымалась слова Трыцікале. Гэтыя каласкі таксама есць на нашым фотаздымку.
Вучні 2-га класа гімназіі №14 г. Мінска.