У Круцілавіцкай школе адбылося першае ў гэтым навучальным годзе паседжанне клуба аматараў кнігі «МалышОК».
У гэты ж дзень у краіне адзначаўся Дзень народнага адзінства, менавіта таму заняткі клуба былі прысвечаны роднай краіне. Вучні адправіліся ў завочнае падарожжа па старонках кніг «Наш край – для вандровак рай». Пабываць у розных абласцях Беларусі ім дапамаглі кнігі школьнай бібліятэкі і кнігі, якія падарыў навучэнцам школы наш праслаўлены камбайнер Уладзімір Гукіш, які неаднаразова бываў у розных гарадах краіны на рэспубліканскіх дажынках і прывозіў адтуль і кнігі.
Удзельнікі клуба пазнаёміліся з адметнымі прадпрыемствамі і мясцінамі кожнай вобласці, не забылі зазірнуць у скарбніцу ведаў – Нацыянальную бібліятэку. Чыталі вершы беларускіх пісьменнікаў аб родным краі, падзяліліся цікавымі ўражаннямі і пачаставаліся духмянымі яблыкамі, якімі адорваюць нас восеньскія сады.
Таццяна Аляксандраўна МАСЕЙЧЫК,
бібліятэкар.
Дзятлаўскі раён,
Круцілавіцкая школа.
