У Нягневіцкай школе адбылася знакавая сустрэча – яе наведалі навучэнцы Лідскай школы № 1 імя М. Г. Мінкевіча.
Вучні з Ліды здзяйсняюць турыстычна-экскурсійную паездку па адмысловым маршруце – «Шляху Мінкевіча». Ён аб’ядноўвае месцы, звязаныя з жыццём і дзейнасцю Міхаіла Гаўрылавіча Мінкевіча, выдатнага педагога і будучага міністра асветы БССР. Для нашай школы гэтая постаць мае асаблівае значэнне, бо з 1950 па 1957 гады ён працаваў тут дырэктарам.Падчас візіту госці пазнаёміліся з гісторыяй нашай установы адукацыі, наведалі школьны музей і даведаліся, які след пакінуў Міхаіл Гаўрылавіч у жыцці Нягневіцкага краю. Дзякуем лідчанам за сустрэчу, цікавыя сумесныя праекты і захаванне памяці пра чалавека, які ствараў гісторыю беларускай адукацыі!
Юлія Яўгеньеўна ЕМЕЛЬЯНОВІЧ,
дырэктар аздараўленчага лагера «Эверэст»,
Навагрудскі раён, Нягневіцкая школа.
