У пачатку сакавіка ў 4-м класе “Б” магілёўскай гімназіі № 3 адбыўся ўрок пазакласнага чытання на тэму “Каб быць чалавекам…”.

Вучні чыталі вершы беларускіх аўтараў пра ахову прыроды. Распавядалі аб прачытаных кнігах, дзе былі апісаны добрыя і дрэнныя ўчынкі дзяцей і дарослых у адносінах да раслін, жывёл, да навакольнага свету.

А Ганна Сомава прачытала ўласны верш, які склала разам з бацькамі.

Пластык, папера і шкло,

Калі аб’яднаны ў адно,

З’яўляюцца брудам і смеццем,

Што па зямлі нясе вецер.

Пакутуе маці-Зямля.

Няма ёй святога жыцця.

Не ўзросціць яна і травінкі.

А з пластыка – толькі бутылкі.

Чакае яна дапамогі,

Збаўлення ад смецця, аблогі.

Каб дыхаць ёй чыста, прывольна,

Квітнець, зелянець ёй раздольна!

Павінны мы ведаць і знаць,

Як правільна смецце збіраць.

Хай пластык, папера і шкло

Ніколі не будуць у адно!

Збіраем іх толькі асобна!

Планета хай будзе свабодна!

Алена КАРПЕНКА, настаўнік пачатковых класаў.

г. Магілёў, гімназія № 3.

Фотаздымак з асабістага архіва сям’і СОМАВЫХ.