Разам з сябрамі на вясенніх канікулах вырашыў паехаць у Магілёў. Гэта была цудоўная магчымасць правесці час у добрай кампаніі і пазнаёміцца з адным з прыгожых гарадоў Беларусі.
Загадзя з кіраўніком спланавалі нашу паездку, каб убачыць максімальна шмат славутасцяў. Уранку селі на цягнік і адправіліся ў дарогу. Дарога была цікавай і вясёлай.
Па прыбыцці ў Магілёў адразу адправіліся да Плошчы Славы, дзе сфатаграфаваліся на фоне мемарыяльнага комплексу. Потым наведалі Магілёўскую ратушу і даведаліся шмат цікавага пра гісторыю горада.
Але асабліва запомніўся нам гарадскі парк. Пагулялі па маляўнічых сцежках, пакармілі качак ля вады. У канцы дня зладзілі невялікі пікнік, дзе дзеліліся сваімі ўражаннямі і рабілі планы на наступныя паездкі.
Паездка ў Магілёў была вельмі цікавай і вясёлай. Мы атрымалі шмат уражанняў, якія яшчэ доўга будзем узгадваць.
Ілья ЗМАЧЫНСКІ,
вучань 8-га класа «М»,
г. Дзяржынск, гімназія.
