Хутка закончыцца навучальны год, а разам з ім і наша школьнае жыццё. Знамянальна тое, што мы, адзінаццацікласнікі Дварэцкай школы, заканчваем яго ў знакавы год – 80-годдзя Вялікай Перамогі і Год добраўпарадкавання.
Вырашылі пасадзіць разам вішнёвую алею. Наведалі нашых першакласнікаў, расказалі ім пра знамянальную дату – 80-годдзе Вялікай Перамогі і што значыць для нас Год добраўпарадкавання, і прапанавалі разам пасадзіць вішнёвыя дрэвы. Першакласнікі з ахвотай нам дапамагалі і абяцалі даглядаць пасаджаныя дрэўцы. Будуць расці дзеці, а з імі і нашы дрэўцы. Спадзяёмся, што яны, у сваю чаргу, таксама раскажуць малодшым сябрам пра значнасць свята Вялікай Перамогі і якую каштоўнасць яно мае для нашай любімай Беларусі.
Вікторыя СЯМАШКА,
вучніца 11-га класа,
Дзятлаўскі раён, Дварэцкая школа.
