Выхаванцы аздараўленчага лагера «Весяльчак» Круцілавіцкай школы адправіліся на экскурсію па маршруце аг. Круцілавічы – аг. Гезгалы – г. Дзятлава – аг. Круцілавічы у рамках рэспубліканскай акцыі «Вандруй! Адчуй! Натхняйся!».
Спачатку наведалі музей «Гісторыя ваеннага гарадка» Гезгалаўскай школа імя М. І. Нядзеліна. Даведаліся аб гісторыі ваеннага гарадка і пазнаёміліся з некалькімі версіямі паходжання назвы пасёлка Гезгалы.
У Дзятлаўскім дзяржаўным гісторыка-краязнаўчым музеі паглядзелі экспазіцыю, прысвечаную генацыду беларускага народа ў гады Вялікай Айчыннай вайны на Дзятлаўшчыне.
У музеі «Гісторыі і культуры Дзятлаўшчыны» гімназіі № 1 г. Дзятлава пазнаёміліся з укладам жыцця і традыцыямі яўрэйскага народа, даведаліся аб трагічных падзеях, якія адбываліся на Дзятлаўшыне ў гады Вялікай Айчыннай вайны. Уражаныя хлопчыкі і дзяўчынкі пасля абеду адлюстравалі на аркушах паперы ўбачанае і пачутае пад час правядзення конкурсу малюнкаў.
Таццяна Яўгеньеўна ЛАЗОВІК,
кіраўнік аздараўленчага лагера «Весяльчак»,
Ала Уладзіміраўна ЛАЗОВІК,
старэйшы выхавальнік,
Дзятлаўскі раён, Круцілавіцкая школа.
