Піянеры дружыны імя Надзеі Багданавай Мушынскай школы пад час «Сустрэчы на ўсе 100!» ўпэўніліся, што іх новыя знаёмыя самыя шчырыя беларусы.
Так, Галіна Антонаўна Міранкова, Аляксей Аляксандравіч Ярынчын і Валянціна Валер’еўна Бабко нарадзіліся ў г. Мсціславе. Зараз яны жывуць і працуюуь на малой радзіме і з’яўляюцца актыўнымі наведвальнікамі літаратурным аб’яднаннем «Літаратурны свет Мсціслаўшчыны». Іх вершы можна прачытаць у часопісах «Вожык», «Вясёлка», «Гаспадыня», «Алеся», «Маладосць», раённай газеце «Святло кастрычніка». А нам пашчасціла пабачыць і пачуць гэтых людзей у сваёй установе адукацыі. Усім вучням спадабалася сустрэча з беларускімі пісьменнікамі, бо іх прыезд стаў для кожнага сапраўдным святам. Хлопчыкі і дзяўчынкі слухалі вершы ў выкананні аўтараў, з захапленнем ацанілі музычныя кампазіцыі на словы Аляксея Ярынчына.
Галіна Антонаўна чытала вершы аб маці, роднай старонцы, аб дзяцінстве і беларускай мове. Урачыстасці сустрэчы надало ўручэнне пісьменніцы спецыяльнага дыплома за «Любоў да малой радзімы», які яна атрымала за ўдзел у міжнародным фестывалі-паэтычным дыялогу «Слово без границ».
Напрыканцы сустрэчы госці запрасілі ўсіх зрабіць сумеснае фота на доўгую і шчаслівую памяць. А само мерапрыемства атрымалася цёплым, шчырым і цікавым.
Таццяна Пятроўна ПЕТРАЧЭНКА,
настаўнік беларускай мовы і літаратуры,
Мсціслаўскі раён, Мушынская школа.
