У рамках мерапрыемстваў, прысвечаных святкаванню Дня Дзяржаўнага сцяга, Дзяржаўнага герба, Дзяржаўнага гімна Рэспублікі Беларусь у дзіцячым садзе №12 Навагрудка з выхаванцамі праведзена шэраг мерапрыемстваў. У пазнавальнай гутарцы “Сімвалы маёй краіны” дзеці пацвердзілі, што атрыбутамі любой суверэннай дзяржавы з’яўляюцца дзяржаўныя сцяг, герб і гімн. Выхавальнікі расказалі дзецям аб тым, што сімвалы Рэспублікі Беларусь адлюстроўваюць гістарычныя, духоўныя і маральныя рысы нацыі, асаблівасці культуры і светапогляду беларускага народа, яго імкненне да самавызначэння і самастойнага развіцця. Дзяржаўная сімволіка з’яўляецца часткай гісторыі і культуры краіны.
Любоў да сваёй Радзімы, разуменне непаўторнасці і багацці культурных традыцый адыгрывае вялікую ролю ў станаўленні асобы дзіцяці, да якой мы павінны ставіцца вельмі беражліва. Немагчыма выхаваць у дзяцей пачуцця ўласнай годнасці і ўпэўненасці ў сабе без павагі да гісторыі сваёй Айчыны.
Правялі з дзецьмі дыдактычныя гульні: “Чаго не стала?”, “Трэці лішні”, “Карта Беларусі” , “Маё імя” , “Даведайся па апісанні”, “Знайдзі герб і сцяг Беларусі”.
Таксама прачыталі дзецям наступныя мастацкія творы:: С. Сокалаў-Воюш. “Блакіт нябёс”; Э. Агняцвет. “Зямля з блакітнымі вачамі”; А. Бадак. “Беларусачка”; Д. Бічэль-Загнетава. “Радзіма”; А. Русак “Мой край”.
Падчас правядзення мерапрыемства выхаванцы праглядзелі прэзентацыю, чыталі вершы і слухалі Гімн Рэспублікі Беларусь, што спрыяла папулярызацыі беларускай сімволікі і паважлівага стаўлення да яе, а таксама выхавання пачуцця патрыятызму ў дзяцей дашкольнага ўзросту.
Наталія Віктараўна ЖУЛІНСКАЯ,
Выхавальнік дашкольнай адукацыі,
г.Навагрудак, Дзіцячы сад №12.
