Заўсёды прыемна бываць у гасцях у сяброў дзіцячай газеты. Але не менш цікава завітаць да тых, хто раней не трымаў у руках “Зорьку”. Дзяўчынкі і хлопчыкі шчыра цікавяцца рубрыкамі, а калі даведваюцца, што самі маюць магчымасць пасправабаць сябе ў ролі юных карэспандэнтаў, актыўна прапануюць тэмы для публікацый. Школьнікаў вельмі радуе, што, нягледзячы на салідны ўзрост (73 гады!), выданне застаецца цікавым і прагрэсіўным. Старонкі газеты ёсць у сацыяльных сетках “ВКонтакте” і Facebook . А акаунт ў Instagram вядзе той-блогер – лялька Зорка, якую зрабілі чытачы з Віцебска.
Не так даўно я, як карэспандэнт газеты, прыязджала ў Міханавіцкую школу. У актавай зале адбылася сустрэча з вучнямі 3-4 класаў. Атрымаліся размова аб гісторыі і сучаснасці “Зорьки” і розыгрыш памятных падарункаў сярод самых уважлівых слухачоў.
Мяне запрасілі папрысутнічаць на ўроку беларускай мовы ў 3-м класе “Б”. Разам з класным кіраўніком Ірынай Пятроўнай Папіціч вучні знаёміліся з прыметнікам. Асабліва актыўна адказвалі на пытанні настаўніцы Маша Трызнюк, Марына Гарашчанка, Улад Свідэрскі, Стас Грыгорчык, Ганна Бандарчук, Соф’я Жыляніна і Арцём Паповіч.
Пасля заняткаў пагутарыла з трэцякласнікамі пра іх захапленні і мары. Машы Трызнюк падабаецца маляваць, таму праз некаторы час яна плануе вывучыцца на дызайнера інтэр’ера. Пакуль школьніца раіць бацькам, як лепей расставіцьмэблю ў пакоях. Не без гонару Маша адзначыла, што сцены ў кватэры ўпрыгожваюць яе карціны.
Соф’я Жыляніна любіць маляваць, танчыць ды праграміраваць, марыць стаць праграмістам.
– А мне падабаецца клапаціцца аб хатніх пітомцах: каце Чырыку, аўчарке Альме і курах, – усміхнулася Марына Герашчанка. – Калі стану дарослай, асвою прафесію ветэрынара.
Ганна Бандарчук займаецца гімнастыкай (любімы прадмет – фізкультура), а ў будучым жадае стаць разумнай, па-трабавальнай настаўніцай, як Ірына Пят-роўна, і выкладаць у пачатковых класах.
Юлія ВАСІЛЮК.
Мінскі раён, аг. Міханавічы.
Фота аўтара.
фото маловато