На вуліцы снежань месяц, да Новага года засталося зусім крыху часу. Вучні 2-га класа Дварэцкай школы з нецярпеннем чакаюць свята, амаль усе ўжо напісалі пісьмо Дзеду Марозу. У паветры вітае святочны настрой, гэты настрой падтрымалі і работнікі Дварэцкага дома культуры. Яны запрасілі вучняў на навагодні ранішнік, які адбудзецца 28 снежня у клубе, а таксама правялі з вучнямі гульнявую праграму. Вучні з задавальненнем выконвалі заданні, адгадвалі загадкі, расказвалі вершы, танцавалі, пабылі ў якасці мадэляў. Другакласнікі, па завяршэнні гульнявой праграмы, падзякавалі работнікам клуба і з цудоўным настроем вярнуліся ў школу.
Ларыса Мікалаеўна ГАНЧАР,
настаўнік пачатковых класаў.
Дзятлаўскі раён,
Дварэцкая школа.
