Дзейнасць атрада «КІБ» (каманда па інфармацыйнай бяспецы) Раклевіцкага дзіцячага сада–базавай школы накіравана на прафілактыку правапарушэнняў і кіберзлачынстваў у сетцы Інтэрнэт.
Інфармацыйная работа атрада, па-першае, вядзецца з мэтай павышэння узроўню навучэнцаў інфармаванасці аб магчымых правапарушэннях і злачынствах у адносінах да дзяцей, а таксама аб адміністрацыйнай і крымінальнай адказнасці за здзяйсненне супрацьпраўных учынкаў у інфармацыйнай прасторы. Па-другое, мы прыцягваем увагу бацькоў да праблемы забеспячэння імі бяспекі і знаходжання дзяцей у сеціве.
У час інфармацыйных хвілінак, перапынкаў бяспекі члены атрада нагадваюць вучням 5–8-х класаў аб спосабах захавання сваёй асабістай інфармацыі, правілах бяспечных паводзін і анлайн-пакупках у інтэрнэт-магазінах, вучаць аналізаваць праўдзівую і «фэйкавую» інфармацыю.
Так, у час PR-акцый «Скажам «Не» тролінгу!», «Мы супраць кібербулінгу! Будзь з намі!» заклікалі ўдзельнікаў мерапрыемстваў прытрымлівацца правіл бяспечных зносін у сацыяльных сетках і месэнджарах.
Будзьце пільнымі і асцярожнымі ў сетцы Інтэрнэт!
Аляксандра ТАДАРЭНКА,
камандзір атрада «КІБ»,
навучэнка 9-га класа.
Дзятлаўскі раён,
Раклевіцкі дзіцячы сад-базавая школа.
