Любчанская зямля сустракала патрыятычную эстафету перадачы Вечнага агню «80 гадоў смутку і памяці», якая стартавала ў Гродзенскай вобласці.
Для нашага пасёлка вялікі гонар прымаць удзел у эстафеце. Аўтакалону сустракалі каля брацкай магілы савецкім воінам і партызанам, загінуўшым у гады Вялікай Айчыннай вайны.
Усіх, хто прыйшоў на мітынг, аб’ядноўвала агульнае пачуццё, свядомасць таго, што памяць аб далёкай вайне незабыўная. 80 гадоў аддзяляе нас ад таго жудаснага дня, калі ў жыццё кожнага чалавека нашай краіны ўвайшло страшнае слова «вайна».
Выхаванцы аздараўленчага лагера сталі ўдзельнікамі мітынгу. З вялікай адказнасцю дзеці аднесліся да гэтага мерапрыемства: вывучылі вершы, падрыхтавалі кветкі.
Лампада стала сімвалам падзякі героям, якія набліжалі перамогу, змагаючыся на полі бітвы, працуючы ў шпіталях і ў тыле.
Вечны агонь пераадолеў сотні кіламетраў, пакінуўшы сваё цяпло ля падножжа дзясяткаў воінскіх пахаванняў ва ўсіх раёнах вобласці.
Хвіліна маўчання і ўскладанне кветак – ушанаванне памяці загінуўшых у той страшнай вайне. Мітынг прымусіў яшчэ раз успомніць страшныя падзеі, звязаныя з пачаткам Вялікай Айчыннай вайны.
Жанна Сулейманаўна БЕДУНКЕВІЧ,
дырэктар школьнага лагера.
Навагрудскі раён,
Любчанская школа.
