Выхаванцы лагера «Горад майстроў» пабывалі на экскурсіі ў горадзе Бярозаўка.
З мэтай азнаямлення з прафесіямі і пашырэння далягляду падчас экскурсіі дзеці наведалі шклозавод «Неман», дзе ўбачылі ўвесь цыкл вытворчасці вырабаў са шкла, даведаліся, з якіх матэрыялаў і якімі спосабамі вырабляюць шкло.
Затым іх запрасілі ў музей шкла. Тут хлопчыкі і дзяўчынкі пазнаёміліся з імёнамі знакамітых майстроў і іх шэдэўрамі. Асабліва зацікавіліся экспанатамі музея, што адзначаны прэміямі і дыпломамі прэстыжных міжнародных выстаў.
На прыканцы заглянулі ў фірменны магазін шклозавода, дзе ўсе ўдзельнікі экскурсіі змаглі набыць сувеніры на памяць, а таксама атрымалі падарункі ад кіраўніцтва завода.
Вольга Іванаўна КАЛЯДА,
дырэктар лагера «Горад майстроў».
Навагрудскі раён,
Шчорсаўскі дзіцячы сад–сярэдняя школа.
