У разгар лета ў Беларусі адзначаюць Купалле – адно са старадаўнейшых народных свят.
Ў нашым дзіцячым садзе адбылося музычна-спартыўнае свята «Кветачкі купальскія». Гэтае мерапрыемства праводзілася з мэтай далучэння дзяцей да беларускай культуры, да беларускіх традыцый і самае галоўнае – для стварэння вясёлага настрою ў дзяцей.
У госці да хлопчыкаў і дзяўчынак прыйшла лясная Кікімара, якая паказвала цікавыя фокусы, гуляла ў эстафеты. Дзеці выконвалі заданні, удзельнічалі ў конкурсах, пераскоквая праз імправізаванае кастрышча, насілі ваду. Напрыканцы свята ўсе разам змаглі знайсці цудадзейную папараць-кветку і загадаць жаданні.
Свята падарыла добры настрой, радасць, весялосць, бадзёрасць, а галоўнае – пазнаёміла дзяцей з фальклорнымі традыцыямі.
Вольга Анатольеўна СУХОЦКАЯ,
музычны кіраўнік.
Гродзенскі раён,
яслі-сад аграгарадка Капцёўка.
