З вялікай радасцю кожную суботу спяшаюся ў школу. На гэты раз падчас працы ў творчай лабараторыі разам са сваімі аднакласнікамі, прыняла ўдзел у конкурсе плакатаў «Скажам «не» ўсім войнам на Зямлі».
З задавальненнем мы малявалі сонца, вясёлку, галубоў, блакітную планету, дзяцей розных нацыянальнасцей, а таксама жахі вайны. Усе праявілі сябе сапраўднымі мастакамі і змаглі ўвасобіць свае мары аб міры на Зямлі.
Паўдзельнічалі таксама ў акцыі «Голуб свету», да якой спецыяльна падрыхтавалі папяровых галубоў, на якіх запісалі свае пажаданні дабра і міру ўсім людзям на планеце. Міжнародны дзень міру, які святкуецца 21 верасня, гэта напамін усяму чалавецтву аб прымірэнні, узаемапаразуменні, аб захаванні правоў чалавека і свабоды выбару.
Спадзяюся, што аднакласнікі зразумелі так як і я, што самае каштоўнае ў жыцці – гэта мір на Зямлі, які мы павінны берагчы.
Ліза БАТУРА,
вучаніца 6-га класа.
Навагрудскі раён,
Любчанскай сярэдняй школы.
