У Вензавецкім дзіцячым садзе–сярэдняй школе функцыянуе музей «Кола часу», дзе рабят знаёмяць з побытам беларускага насельніцтва, яго традыцыямі, абрадамі (кіраўнік Ж. А. Свіб) і музейны пакой «Памяць» (кіраўнік Л. М. Лапата), які расказвае наведвальнікам аб жахах Вялікай Айчыннай вайны.
Ва ўстанове прайшоў Тыдзень музеяў «Музей для ўсіх». Старт дала РR-акцыя «Музеі запрашаюць у госці». Актыў музея распаўсюдзіў сярод навучэнцаў і работнікаў установы адукацыі рэкламную прадукцыю прысвечаную Тыдню музеяў. Адбыўся фота-чэлендж «Сэлфі ў музеі». Мерапрыемства вельмі зацікавіла падлеткаў, ім прапаноўвалася сфатаграфавацца, выкарыстоўваючы музейныя экспанаты, з папярэднім аповедам пра выкарыстоўваемы экспанат.
Акрамя таго, кожны клас атрымаў заданні ад актыву музея для наступнага мерапрыемства – квэст-гульні «Займальны свет музея». За атыўны ўдзел у квэсце, прадугледжваліся бонусы, якія дапамогуць павысіць бал адзнакі на вучэбных занятках. А гэта і ёсць – матывацыя да навучання.
Таццяна Генадзьеўна РАЖКО,
намеснік дырэктара па выхаваўчай рабоце.
Дзятлаўскі раён,
Вензавецкі дзіцячы сад–сярэдняя школа.
