Патрыятычнае выхаванне – адзін з галоўных кірункаў у працэсе фарміравання асобы школьніка.
«Выхоўваем патрыётаў» – пад такім дэвізам прайшла інфармацыйная гадзіна «Сімвалы нашай краіны» ў 5-м класе. Мерапрыемства было арганізавана і праведзена сумесна з кіраўніком ваенна-патрыятычнага выхавання Іванам Міхайлавічам Янкоўскім. У час гутаркі пяцікласнікі актывізавалі веды пра дзяржаўныя сімвалы нашай краіны, пра дасягненні Рэспублікі Беларусь у вобласці навукі, культуры, спорту, здравааховы.
Пазнавальным, цікавым і павучальным момантам патрыятычнага выхавання стаў дыялог-успамін Івана Міхайлавіча аб ваеннай службе ў арміі, дзе загартоўваўся баявы характар, выпрацоўвалася воля, цярпенне, вернасць ваеннай прысязе і дзяржаўнаму сцягу.
Таксама навучэнцы пазнаёміліся з гісторыяй узнікнення дзяржаўных сімвалаў.
У канцы заняткаў вучні ў творчай форме выказалі пажаданні сваёй краіне росквіту, дабрабыту, жыць у міры і згодзе з іншымі народамі і аформілі калаж «Я люблю Беларусь».
Зінаіда Георгіеўна ПАРМОНІК,
класны кіраўнік 5-га класа.
Свіслацкі раён,
Ханявіцкі дзіцячы сад–сярэдняя школа.
