Навучэнцы і работнікі школы прынялі ўдзел у экалагічнай акцыі «Чысты парк». Да ўсіх жадаючых папрацаваць з ахвотай на карысць малой радзімы ў Год народнага адзінства далучыліся і пяцікласнікі.
Работа спорылася ў руках дзяцей. Працаваць і бачыць вынік сваёй працы – вялікае задавальненне. Пяцікласнікі падграблі лісце ў парку, прыбралі бытавое смецце, зломаныя галінкі дрэў, падмялі тратуарныя дарожкі. Таксама вучні 5-га і 6-га класаў дапамаглі прыбраць прыдамавую тэрыторыю тром адзінока пражываючым састарэлым людзям аграгарадка, чые домаўладанні знаходзяцца насупраць мясцовага парка. Дапамога лішняй не бывае – так лічаць пяцікласнікі.
Час на свежым паветры за ўборкай прайшоў вельмі хутка. Хочацца, каб смецця ў парку было менш, а жадаючых удзельнікаў акцыі больш.
Прыгажосць родных мясцін радуе вока жыхароў аграгарадка. Цяпер прыемна прайсціся па чыстым парку, у асалоду надыхацца свежым паветрам.
Зінаіда Георгіеўна ПАРМОНІК,
класны кіраўнік 5-га класа.
Свіслацкі раён,
Ханявіцкага дзіцячага сада–сярэдняй школы.
