Восень – гэта прыгажосць! Ніколі прырода не бывае больш маляўнічай. Восень – гэта шчодрасць. Для кожнага ў прыроды знойдзецца свой плод. Восень – гэта музыка! Гэта шолах апалай лістоты пад нагамі, гэта курлыканне жураўлёў, гэта шум дажджу. А яшчэ восень – гэта свята ўраджаю, свята падзякі зямлі, прыродзе і працаўнікам, якія працавалі з ранняй вясны да позняй восені, каб наш народ жыў сытна цэлы год.
У Вераб’евіцкім дзіцячым садзе-базавай школе адбылося свята пад назвай «Ураджай-2021». Дзеці загадзя рыхтаваліся да свята: разам з бацькамі рабілі розныя падзелкі з падручнага матэрыялу, з агародніны, рыхтавалі вершы пра восень.
Прайшлі цікавыя конкурсы «Збяры бульбу», «,Хто хутчэй з’есць яблык», «Угадай агародніну». Колькі задавальнення было ў дзяцей, радасці. Для хлопчыкаў і дзяўчынак гэта запамінальнае, вясёлае і яркае свята, якое дапамагае ім замацаваць ўяўленні аб восені як пары года і дастаўляе ім станоўчыя эмоцыі. Дзеці паказвалі свой спрыт, кемлівасць, суперажыванне, уменне працаваць у камандзе. Свята атрымалася на славу!
Аліна Мікалаеўна ШАРАЕВА,
класны кіраўнік 1-га класа.
Навагрудскі раён,
Вераб’евіцкага дзіцячага сада–базавай школы.
