9 снежня ў Запольскай сельскай бібліятэцы прайшло мерапрыемства, прысвечанае 130-годдзю з дня нараджэння беларускага паэта, публіцыста, літаратураведа і перакладчыка Максіма Багдановіча.
Дзеці пазнаёміліся з біяграфіяй Максіма Багдановіча. Прачыталі некалькі лірычных вершаў паэта – «Я хацеў бы спаткацца з Вамі на вуліцы…», «Слуцкія ткачыхі», «Краю мой родны! Як выкляты богам…», «Зімой», «Па-над белым пухам вішняў» і іншыя. Больш падрабязна пазнаёміліся са зборнікам «Вянок”, даведаліся, што гэта не проста зборнік вершаў, а кніга паэзіі – з арыгінальнай агульнай задумай і лірычным сюжэтам.
На прыканцы наведалі выстаўку «Раскрыйце мае кнігі…», прысвечаную 130-годдзю беларускага паэта М. Багдановіча.
На працягу ўсяго дня з чытачамі вялася гутарка пра творы выдатнага паэта.
Таццяна Віктараўна БЕЛАКУРСКАЯ,
бібліятэкар.
Клічаўскі раён,
аг. Заполле.
