Выхаванцы дзіцячага аздараўленчага лагера «Навагодні калейдаскоп», які ў час зімніх канікул працаваў у Шчорсаўскім дзіцячым садзе–сярэдняй школе, наведалі карэліцкі краязнаўчы музей.
Адна з экспазіцый музея пазнаёміла дзяцей з матэрыяламі археалагічных раскопак на тэрыторыі раёна, са старажытнымі прыладамі працы. З цікавасцю выхаванцы аглядалі прадметы сялянскага побыту, узоры дэкаратыўна-прыкладнога мастацтва XIX-XX стагоддзяў.
Цікавай і пазнавальнай была гутарка з экскурсаводам, хлопчыкі і дзяўчынкі даведаліся аб навуковай і творчай дзейнасці знакамітых людзей Карэліччыны: Яна Чачота, Ігната Дамейкі, Янкі Брыля, Алясандра Моніча, а таксама аб падзеях, якія адбываліся на тэрыторыі раёна падчас Вялікай Айчыннай вайны.
Асаблівую цікавасць у рабят выклікала экспазіцыя «Прырода роднага краю».
Людміла Сяргеяўна МІХАЛКЕВІЧ,
настаўнік пачатковых классаў.
Навагрудскі раён,
Шчорсаўскі дзіцячы сад–сярэдняя школа.
