Класная гадзіна для вучняў 7-га класа Вераб’евіцкага дзіцячага сада–базавай школы, якая прайшла ў этнаграфічным аддзеле школьнага краязнаўчага музея, аказалася запатрабаванай і цікавай. Напярэдадні кожны з навучэнцаў запытаўся ў сваіх бацькоў і бабуль, як у іх час святкавалі Каляды.
Старадаўні сялянскі інтэр’ер, імправізаваная лямпа на стале, за акном завыванне ветру. Як быццам стагоддзе назад. А ў нас атмасфера ўтульнасці і таямнічасці. Сабраўшыся разам за адным сталом, хлопчыкі і дзяўчынкі дзяліся пачутым ад бацькоў, інсцэніравалі элементы некаторых калядных гульняў. Кожнаму ўдзельніку запомніліся нашы калядныя вячоркі.
Ларыса Яўгенаўна МАРОЗ,
класны кіраўнік.
Навагрудскі раён,
Вераб’евіцкі дзіцячы сад–базавая школа.
