Нарэшце нябесная канцылярыя вясновымі сонечнымі днямі адкрыла сезон вандровак і падарожжаў. Таму шостага суботняга дня мы чакалі з вялікім нецярпеннем. Даўно засумавалі па вандроўнай дарозе. Якраз такім і атрымаўся наш суботні дзень. Здзяйсняючы невялікае падарожжа па ваколіцах вёскі, мы любаваліся роднымі краявідамі, цудоўным вясновым надвор’ем. Пасля завіталі на наша традыцыйнае месца адпачынку ў невялікім лясочку. Крыху стомленыя, мы не паленаваліся прыбраць наша прыстанішча ад ламачча і пластыкавых бутэлек, якіх нямала назбіралася за зіму. А потым быў цэлы рытуал прыгатавання абеду. Непрыкметна з гульнёю ў хованкі праляцеў час. І аказалася, што ў нашай вандроўцы мы правялі цэлы дзень, замест запланаваных некалькі гадзін. А разыходзіцца не хацелася. Цудоўны атрымаўся наш выхадны дзень!
Ларыса Яўгенаўна Мароз,
класны кіраўнік 7-га класа
Вераб’евіцкі дзіцячы сад-базавая школа.
