Падчас школьных паходаў, экскурсій, прагулак, якія мы часцей за ўсё здзяйсняем у лес і на луг вучымся слухаць і бачыць не толькі прыгажосць роднай прыроды, але і стараемся пачуць і ўбачыць праблемы і скаргі.
Пасля аднаго з такіх паходаў, наша настаўніца прапанавала нам скласці лісты ад асобы насякомых, дрэў, кветак, а з дапамогай бацькоў пастарацца знайсці шляхі вырашэння гэтых праблем. Такім чынам у нас атрымаўся экалагічны праект «Жаласная кніга прыроды».
«Жаласная кніга прыроды» – гэта трывожны аповяд аб тым, як цяжка жывецца раслінам, жывёлам, насякомым, птушкам, рыбам. Аўтарам кнігі выступае сама прырода. Чытачы – людзі з добрым і спагадным сэрцам, якім не ўсё роўна, што адбываецца з нашым навакольным светам.
Наш праект – бестэрміновы. Хочацца верыць, што скаргаў не стане больш.
У выніку мы разам з бацькамі прынялі актыўны ўдзел у дадзеным праекце: ўдзельнічалі ў суботніках, працоўных дэсантах, майстравалі кармушкі і шпакоўні, кармілі птушак узімку; складалі памяткі; дзяліліся атрыманай інфармацыяй з сябрамі, бацькамі; удзельнічалі ў пасадцы лесу.
Працуючы над праектам, вельмі хутка прыйшлі да высновы – што ўсё гэта звёны аднаго ланцужка, і калі раптам якое звяно разбурыцца або знікне зусім, то адбудзецца сапраўдная экалагічная катастрофа. А сёлета вырашылі паўдзельнічаць у экалагічным праекце любімай газеты — «Расцём разам з «Зорькой»!
Вучні 2-га класа
і Валянціна Іванаўна МІХАЙЛАВА.
Астравецкі раён,
Альхоўская школа.
