У Навагрудскім раённым цэнтры культуры і народнай творчасці адбылося шанаванне лепшых школьнікаў і педагогаў раёна – штогадовая цырымонія «Триумф-2022».
Заслужаныя ўзнагароды прымалі пераможцы прадметных алімпіяд і спартыўных спаборніцтваў рэспубліканскага, абласнога і раённага ўзроўняў, пераможцы абласнога конкурсу даследчых работ «Крыштальная Альфа».
Памятны знак «Триумф-2022» і прэмію Навагрудскага раённага выканаўчага камітэта атрымала і вучаніца 9-га класа Шчорсаўскага дзіцячага сада–сярэдняй школы Кацярына Раманюк, якая з’яўляецца пераможцам абласнога конкурсу даследаванняў «Крыштальная Альфа» ў секцыі «Беларуская мова».
Падзячнае пісьмо Юрыю Раманюку, бацьку Кацярыне, уручылі намеснік старшыні Навагрудскага райвыканкама Святлана Мікалаеўна Каролька і начальнік упраўлення адукацыі Людміла Васільеўна Мароз.
Шмат прыемных эмоцый падарыла дадзеная цырымонія, а таксама прынясла адчуванне гордасці за пленную працу вучняў і педагогаў, з’явіўся добры матыў рухацца наперад і не спыняцца на дасягнутым.
Наталля Васільеўна ПАЧАБУТ,
намеснік дырэктар па вучэбнай рабоце.
Навагрудскі раён,
Шчорсаўскі дзіцячы сад–сярэдняя школа.
