Выхаванцы атрада «Бэмс» аздараўленчага лагера «#Лета_драйв» школы № 5 Навагрудка наведалі мясцовы гісторыка-краязнаўчы музей.
Важным раздзелам музея з’яўляецца этнаграфія. Этнаграфічная калекцыя вельмі змястоўная і цікавая. Яна прадстаўлена рознымі прадметамі быту, сярод якіх вылучаецца калекцыя ручнікоў. Выхаванцы пабачылі, чым прадстаўлены навагрудскі строй. На некаторы час дзеці апынуліся ў старажытным часе нашых продкаў. З цікавасцю разглядалі інтэр’ер беларускай сялянскай хаткі пачатку 20 стагоддзя: драўляную самаробную мэблю, ганчарны посуд і шмат іншага.
Важна злавіць той момант, дзе паміж сабранымі рэчамі і месцам будзе цікава праводзіць час. Менавіта наведанае месца зацікавіла нас.
Вікторыя Мікалаеўна КРЫВАПУСТ,
выхавацель атрада «Бэмс».
г. Навагрудак, школа № 5,
аздараўленчы лагер «#Лета_драйв».
