Як паведаміла Наталля Васільеўна Нікіціна, загадчыца аддзела абслугоўвання вучняў 1–5-х класаў з Гомельскай абласной універсальнай бібліятэкі імя У. І. Леніна, цікавыя мерапрыемствы ў аддзеле, які называецца «Бураціна» улетку ладзяцца рэгулярна.
Сустрэчы ў літаратурнай гасцёўне, як адзначыла Наталля Васільеўна, неабходныя. Яны дапамагаюць школьнікам не толькі зразумець існасць чалавечага жыцця, адчуць асалоду ад роднага слова. Але і па-асабліваму выхоўваюць, адкрываюць дзверы ў таямніцу прыроды і навакольнага свету.
Нядаўна адбылася сустрэча з Ганнай Мікалаеўнай Атрошчанка, беларускай пісьменніцай і казачніцай, якая расказала пра сябе, прачытала новыя творы, адказала на шматлікія пытанні. Маленькія чытачы з гомельскай школы № 24 з задавальненнем змаглі прачытаць вершы на беларускай мове, дакрануцца да роднага мілагучнага слова.
На развітанне быў зроблены агульны калектыўны фотаздымак.
Наталля БРЭЛЬ.
г. Гомель,
абласная бібліятэка імя У. І. Леніна.
