Вучні Клясціцкай дзіцячы сад–сярэдняй школы імя У. А. Хамчаноўскага далучыліся да Рэспубліканскай творчай акцыі «Чытаем Купалу разам».
Акцыя прысвечана 140-годдзю з дня нараджэння вялікага песняра Беларусі – Янкі Купалы. Асноўная мэта – аб’яднаць беларускіх дзяцей і дарослых жывым мілагучным Купалавым словам, якое засталося нам у спадчыну.
Знаёмства з беларускай культурай для многіх прадстаўнікоў іншых народаў пачынаецца менавіта з Купалавых твораў, бо ў сваёй творчасці ён увасобіў самабытную беларускую душу, яго паэзія асэнсоўвае быццё людзей беларускай зямлі, самой Беларусі як часткі вялікага свету.
Янка Купала стаў сапраўдным песняром і майстрам беларускага слова. Ён пісаў пра прыгажосць беларускіх краявідаў, любоў да роднай старонкі і яе людзей, пра сваё дзяцінства.
Надзея Сяргееўна ШЫЛАВЕЦ,
педагог-арганізатар.
Расонскі раён,
Клясціцкая дзіцячы сад–сярэдняя школа
імя У.А.Хамчаноўскага.
