У яслях-садзе №83 г. Гродна адбылося вельмі цікавае і захапляльнае мерапрыемства, прымеркаванае да Дня ведаў.
У гэты дзень дзетак старэйшага ўзросту групы з беларускай мовай выхавання сустракалі вясёлымі песенкамі клоўны Клёпа і Бася. Пасля кароткай гісторыі пра Дзень ведаў, дзеці адправіліся ў займальнае падарожжа па дзіцячым садзе. У кожным куточку ўстановы іх чакаў мультыплікацыйны ці казачны герой з заданнем.
Спачатку дзяцей сустрэлі Маша і Мядзведзь са складанымі загадкамі, затым Чырвоная Шапачка і Шэры Воўк правялі эстафету на спрыт і ўважлівасць. Ліса Аліса і Кот Базіліо гулялі з дзецьмі ў хованкі, а Царэўна-Несмяяна і Баба Яга малявалі разам з імі на паветраных шарах.
За кожнае выкананае заданне дзеткі атрымлівалі ад казачных герояў залаты ключык. Свята скончылася дзіцячай дыскатэкай у музычнай зале, дзе з дапамогай сваіх ключыкаў малышы адкрылі куфар з цукеркамі і медалямі.
Ала Ўладзіміраўна ЛУБЕШКА,
Музычны кіраўнік.
г. Гродна, яслі-сад № 83.
