Навучэнцы 8–11-х класаў Хвінявіцкай сярэдняй школы сустрэліся са святаром Накрышскай Барыса-Глебскай царквы.
Такія сустрэчы сталі ўжо традыцыйнымі, таму што ўстанова адукацыі некалькі гадоў з’яўляецца інавацыйнай пляцоўкай, якая працуе над укараненнем мадэлі фарміравання культуры міжасобасных зносін дзяцей дашкольнага і школьнага ўзросту на праваслаўных традыцыях і каштоўнасцях беларускага народа ва ўмовах дзяржаўнага двухмоўя. Айцец Мікалай паведаміў вучням аб праваслаўных святах, якія адзначаюцца восенню. Цікава было слухаць пра паходжанне традыцый святкаванняў. Святар дзяліўся з падлеткамі сваёй жыццёвай мудрасцю. Гэтыя сустрэчы надоўга застаюцца ў памяці, таму што кожнае слова сказанае адклікаецца ў душах слухачоў. Падчас сустрэчы ўзгадвалі пра каштоўнасць жыцця чалавека. Святар расказаў вучням аб тым, як спраўляцца з жыццёвымі праблемамі, вучыў расстаўляць прэярытэты, каб адчуванне шчасця і задаволенасці заўсёды было ў душы. Не абмінулі і такія важныя пытанні, як захаванне і ўмацаванне здароўя фізічнага. Падлеткі разумеюць, што шкодныя звычкі не павінны прысутнічаць у жыцці, бо ад іх вельмі цяжка пазбавіцца.
Толькі моцны духам чалавек здолее сказаць «не» ўсім фактарам, якія наносяць шкоду здароўю.
Таццяна Віктараўна ЖЫНКО,
настаўнік.
Дзятлаўскі раён, Хвінявіцкая школа.
