Ва ўсіх класах Хвінявіцкай школы прайшла адзіная класная гадзіна на тэму «Дзень народнага адзінства».
Вучні паглядзелі дакументальныя стужкі, якія дапамаглі даведацца пра гістарычныя падзеі – аб’яднанне Заходняй і Усходняй Беларусі. У старэйшых класах з цікавасцю абмяркоўвалі важнасць і сутнасць народнага адзінства. Актывісты падрыхтавалі інфармацыйныя даведкі пра памятныя знакі, прысвечаныя святкаванню, якія з’явіліся ў населеных пунктах нашай краіны. Узгадалі і наш раённы цэнтр – горад Дзятлава. Плошча горада носіць назву «17 верасня», і названа ў гонар падзей, якія адбываліся 17 верасня 1939 года. Так нашы землякі ўшаноўваюць памяць тых падзей.
Значнай і адказнай справай было напісанне рэспубліканскага дыктанта «Дзень народнага адзінства». У ім прынялі ўдзел вучні 8–11-х класаў.
Быць патрыётамі краіны – гэта абавязак кожнага беларуса. Гонар і годнасць перапаўняюць маладое пакаленне. Моладзь шануе традыцыі свайго народа, помніць сваё гістарычнае мінулае.
Таццяна Віктараўна ЖЫНКО,
настаўнік.
Дзятлаўскі раён,
Хвінявіцкая школа.
