У гонар 140-годдзя са дня нараджэння класіка беларускай літаратуры Якуба Коласа ў філіяле сельская бібліятэка аграгарадка Махава праходзілі Коласаўскія чытанні для маленькіх чытачоў.
Знаёмства з творчасцю пісьменніка пачалося з кнігі «Другое чытанне для дзяцей беларусаў». У апошнім з разделаў зборніка пісьменннік змясціў адзінаццаць апрацаваных ім беларускіх казак. Казкі невялікія па сваіх памерах, адпавядаюць узроставым асаблівасцям дзяцей пяці-сямі год, у іх выразна выяўляецца выхаваўчая скіраванасць: высмейваецца зайздрасць, сквапнасць, абмежаванасць.
У першы дзень коласаўскіх чытанняў дзеці не толькі паслухалі і абмеркавалі вершаванае апавяданне «Савось-распуснік», але і паказалі свае творчыя здольнасці, змайстравалі героя апавядання – Ката, выкарыстоўваючы тэхніку аплікацыі. У наступны дзень удзельнікі чытанняў паглядзелі тэатр на стале па казцы «Воўк-дурань». Маленькія чытачы з задавальненнем слухалі казкі, хваляваліся за лёс казачных герояў, гатовы былі прыйсці на дапамогу пакрыўджаным.
Кацярына Сяргееўна ДУБРОЎСКАЯ,
бібліятэкар.
Магілёўскі раён, аг. Махава
філіял сельская бібліятэка.
