Разам з класным кіраўніком пабывалі ў г. Баранавічах і наведалі Баранавіцкі дзяржаўны ўніверсітэт, сустрэліся з адміністрацыяй, пазнаёміліся з умовамі прыёму дакументаў і спецыяльнасцямі ўстановы адукацыі.
Выкладчыкі, навукоўцы і студэнты БарДУ ахвотна гутарылі з намі і адказвалі на шматлікія пытанні. Давялося наведаць лабараторны занятак па біялогіі і нават адчуць сябе студэнтамі.
Другая старонка экскурсіі была прысвечана працы ўніверсітэцкай бібліятэкі, дзе мы пазнаёміліся з унікальным фондам, выставамі і каштоўнымі экземплярамі кніг.
Я ўпэўнена, што пасля гэтага візіту хтосьці з нас сур’ёзна задумаецца аб паступленні менавіта ў гэтую навучальную ўстанову.
Валерыя КАСЦЮК,
вучаніца 10-га класа.
Дзятлаўскі раён,
Казлоўшчынская школа.
