Навучэнцы 7–9-х класаў Дварэцкай школы з інспектарам па справах непаўналетніх абмяркоўвалі пытанні прафілактыкі правапарушэнняў у падлеткавым асяроддзі.
З колам праблемных пытанняў прысутных пазнаёміла невялікая відэастужка. Тэму дапоўніў участковы інспектар па справах непаўналетніх Мікалай Вячаслававіч Філіповіч. Ён расказаў, як працуюць схемы «ваш сваяк трапіў у дарожную аварыю – неадкладна патрабуюць грошы» і «вам тэлефануюць з банка». Праваахоўнік яшчэ раз падкрэсліў, што супрацоўнікі міліцыі ці банка ніколі не стануць прасіць па тэлефоне узяць крэдыт або агучыць рэквізіты банкаўскай карткі. Разам з тым, гэта інфармацыя больш актуальная для дарослых з уласным даходам, а вось падлеткі, без жыццёвага вопыту, часцей рызыкуюць быць уцягнутымі ў супрацьзаконны бізнес у якасці кур’ераў, а пры наркадыллерах – у якасці закладчыкаў, якім абяцаюць вялікія грошы. Аднак усё скончыцца вялікай бядой з пазбаўленнем волі.
Мікалай Вячаслававіч расказаў, што крымінальная адказнасць за збыт наркотыкаў надыходзіць ужо з 14 гадоў. Пакаранне залежыць ад цяжкасці ўчынку, напрыклад, за захоўванне – да 5 гадоў абмежавання, ці ад 2 да 5 гадоў пазбаўлення волі; за збыт – ад 3 да 15 гадоў пазбаўлення волі, а ў саставе групы ці ва ўмовах наркалабалаторыі – ад 10 да 20 гадоў. Самыя цяжкія санкцыі прадугледжаны за збыт наркатычных сродкаў з прычыненнем смерці асобе, якая ўжывала наркотык – да 25 гадоў пазбаўлення волі для збытчыка.
Прадугледжана і адміністрацыйная адказнасць, напрыклад, за збыт курыльных ці жавальных сумясяў «насвай», «снюс», а таксама адміністрацыйная адказнасць за ўжыванне наркатычных ці адурманьваючых сродкаў без назначэння доктара ці знаходжанне пад іх уздзеяннем у грамадскім месцы – штраф ад 5 да 15 базавых велічыняў, паўторнае ж на працягу года парушэнне ўжо караецца крымінальнай адказнасцю.
Напрыканцы Мікалай Філіповіч пажадаў вучням задумацца над важнасцю сёняшняй размовы, каб не стаць ахвярай злачынцаў.
Ірына Міхайлаўна ЛЯЎШУК.
Дзятлаўскі раён,
Дварэцкая школа.
