Па асабліваму навучэнцы Хвінявіцкай школы вырашылі правесці апошні дзень зімы. Хлопчыкі і дзяўчынкі спяшаліся ў Лядовы палац горада Ліда, каб падтрымаць каманду Дзятлаўскага раёна «Алмаз», якая змагалася за перамогу супраць Смаргонскага раёна.
Балельшчыкі назіралі за тым, як у кожнага хакеіста з’явілася жаданне выявіць сябе, як спартсмены ўстойліва вытрымлівалі часовыя нагрузкі. У перапынках падалі ад стомленасці, але пасля сірэны зноў ганяліся за шайбай. Па выніках у абласных спаборніцтвах «Залатая шайба» каманда «Алмаз» заваявала ганаровае ІІ месца.
Пасля насычанага матчу, з мэтай фарміравання патрыятычнага выхавання, пачуцця падзякі і гонару за вялікі подзвіг нашага народа ў час Вялікай Айчынай вайны навучэнцы наведалі Курган Славы. Тут каля мемарыяла і скончылася падарожжа, усе стомленыя, але шчаслівыя вярнуліся дадому.
Таццяна Сяргееўна САНЦЭВІЧ,
намеснік дырэктара па выхаваўчай рабоце.
Дзятлаўскі раён, Хвінявіцкая школа.
