Вучні Паляцкішскай сярэдняй школы прынялі ўдзел у Дні абітурыента, які прайшоў у Гродзенскім дзяржаўным універсітэце імя Янкі Купалы. Школьнікі сустрэліся з кіраўнікамі факультэтаў, выкладчыкамі і студэнтамі. Такая сустрэча дапаможа школьнікам зрабіць свядомы выбар сваёй будучай прафесіі.
У рамках Дня абітурыента былі ўшанаваны пераможцы і прызёры мнагапрофільнай алімпіяды Купалаўскага ўніверсітэта. Дыплома I ступені ўдастоена Дар’я Янкелайць, вучаніца 11 класа Паляцкішскай сярэдняй школы, якая прадэманстравала выдатныя веды па вучэбным прадмеце “Беларуская мова”. Вучаніца мае рэкамендацыю на залічэнне ў 2023 годзе без уступных іспытаў пры паступленні на спецыяльнасць, якая адпавядае вучэбнаму прадмету профільнай алімпіяды.
Іван Францавіч ГАБІС,
педагог сацыяльны.
Воранаўскі раён,
Паляцкішская школа.
