У рамках рэспубліканскай акцыі «Вандруй. Адчуй. Натхняйся» вучні 5-х класаў школы № 5 г. Ліды наведалі творчую майстэрню лёну «Калі да лёну з паклонам – добра аддзячыць лён» у Ганчарскім Доме культуры.
У творчай майстэрні пяцікласнікі пазнаёміліся з тым, як у полі расце лён, што з яго вырабляюць. Здзівіла вучняў, што ў даўнія часы лён рвалі, клалі, вязалі, білі, малацілі, церлі, часалі, пралі і ткалі ўручную, без выкарыстання сучаснай тэхнікі. Дзеці нават спрабавалі самі круціць кола самапралкі і часаць лён.
Лён для Беларусі – гэта традыцыйная культура. Ён апранаў і саграваў беларусаў многія стагоддзі. Блакітныя кветачкі лёну, як сімвала нашай краіны, мы бачым і на Дзяржаўным гербе Рэспублікі Беларусь.
І сапраўды, пяцікласснікі натхніліся вандроўкай ў майстэрню-музей і адчулі ўсім сэрцам, чаму беларусы так любяць і шануюць лён.
Ірына Іосіфаўна ЗЫРАНАВА,
класны кіраўнік 5-га класа «А»,
Іна Сяргееўна ГУЛЬНІК,
класны кіраўнік 5-га класа «Б»,
г. Ліда, школа № 5.
