Ці ўмееце вы сплесці народны пояс? А зайграць на беларускай дудзе? А правесці традыцыйнае беларускае свята з песнямі, танцамі і гульнямі?
Усіх жадаючых навучыцца гэтаму нядаўна вучылі мы, вучні Палатоўскай базавай школы, у рамках V Адкрытых міжрэгіянальных майстар-класаў.
Вучні і педагогі школы падзялілісь сакрэтам пра тое, як трэба плесці традыцыйныя беларускія паясы на дошчачках. Расказалі пра склад, гісторыю з’яўлення і выкарыстанне ў абрадах такога музычнага інструмента як беларуская дуда. Пазнаёмілі гледачоў з вясеннім абрадам гукання вясны. Прысутнічыя гулялі ў гульні, вадзілі карагоды, прымяралі на сябе вобраз беларускага селяніна.
Мерапрыемства выдалася вельмі цікавым, рознабаковым і яскравым.
Ілья ЛІТВІНАЎ,
вучань 8-га класа,
удзельнік узорнага фальклорнага калектыву «Знічка»,
Полацкі раён, Палатоўская базавая школа.
