Лета – самая яскравая пара года, якую любіць і з нецяпреннем чакае кожны школьнік. Менавіта летам у нас з’яўляецца вольны час, каб прысвяціць яго сабе. Лічу, самы карысны занятак для кожнага чалавека гэта чытанне кніг. Яно дапаможа пашырыць слоўнікавы запас і ў той жа час адпачыць, прывесці думкі ў парадак. Я падрыхтавала для вас топ 5 кніг на роднай мове, якія, лічу, павінен прачытаць кожны беларус.
- «Дзікае паляванне караля Стаха» Уладзіміра Караткевіча
Калі Вы любіце дэтэктывы Агаты Крысці, то гэтая кніга вам дакладна спадабаецца. Уладзімір Караткевіч у рамане простай мовай расказвае гісторыю пра маладога вучонага, які трапіў у самую глыбінку нашай краіны. Там яго чакалі незвычайныя прыгоды. А якія іменна, вы зможаце зразумець, прачытаўшы гэты цудоўны раман.
- «Пінская шляхта» Вінцэнта Дуніна-Марцінкевіча
Калі вы сапраўды хочаце адпачыць, зусім не любіце фантастыку і дэтэктывы, бо ам даспадобы нешта смешнае і забаўляльнае, то гэтае п’еса менавіта для Вас. У ёй расказваецца пра «нялёгкае» жыццё мясцовай шляхты.
- «Паўлінка» Янкі Купалы
Адзін з самых вядомых твораў беларускай літаратуры. П’еса неаднойчы была пастаўлена ў тэатры, яна адназначна заслугоўвае вашу ўвагу. Тэма кахання, узваемаадносін паміж бацькамі і дзецьмі заўсёды будзе актуальнай.
- «Жураўліны крык» Васіля Быкава
Васіль Быкаў для мяне — пісьменнік нумар 1 у ваеннай тэматыцы. Праз свае творы мастак слова паказаў сапраўдную вайну. Аповесць пра салдатаў з розным мінулым, але, на жаль, жыццё іх скончылася ў адным месцы і па адной прычыне — прычыне выйны.
- «Каласы пад сярпом тваім» Уладзіміра Караткевіча
Мой асабісты нумар 1 у беларускай літаратуры. І няхай Вас не пужае памер гэтай кнігі, яна чытаецца на адным дыханні. Увесь раман узаемазвязаны з гісторыяй нашай краіны. Разам з галоўным героем Алесем Загорскім вы зразумееце, якім чынам беларусы здабылі сабе незалежную краіну.
Яна ФІЛОНЧЫК,
Карэліческі раён, г. п. Мір
