У рамках Тыдня бацькоўскай любові ў 1-м класе Валеўскай школы адбылося святочнае падарожжа па Матуліным садзе, прысвечананае Дню маці.
Вучні ў чароўным садзе збіралі для сваіх матуль незвычайны букет, які склаўся з песень, вершаў, цёплых слоў і віншаванняў. Надзвычай пяшчотнай атрымалася прагулка па «Алеі мацярынскіх клопатаў», у выніку якой дзеці з упэўненасцю зазаначылі, што кожны чалавек, у любым узросце, і ў радасці і ў горы ўспамінае пра маму, чакае ад яе дапамогі, удзелу, парады.
«Клумба працавітасці» дазволіла нагадаць як многа працуюць нашы матулі і зрабіць выснову, што нашы мамы як гузічкі: на іх усё трымаецца. А сапраўдная любоў да маці павінна выражацца не ў словах, а ва ўчынках і дапамозе роднаму чалавеку. У «Аранжэрэі прыгажосці» першакласнікі словамі намалявалі партрэты сваіх матуль.
Апошнім прыпанкам падарожжа па Матуліным садзе стаў «Востраў дзіцячай падзякі», дзяўчынкі і хлопчыкі змайстравалі для матуль ружы з сабранага падчас падарожжа па садзе апалага лісця і паабяцалі штодзённа радаваць сваіх мам – самых дарагіх на свеце людзей.
Закончылася падарожжа разважаннямі вучняў аб сям’і як самым цёплым месцы на зямлі.
Таццяна Уладзіміраўна МІЛАШ,
настаўнік пачатковых класаў,
Навагрудскі раён, Валеўская школа.
