Вучні Мар’інагорскай гімназіі разам з настаўнікамі праводзяць шмат беларускіх канцэртаў і мерапрыемстваў.
Адным з самых цікавых беларускіх мерапрыемстваў у гімназіі з’яўляецца вучнёўская чытацкая канферэнцыя, асноўная мэтай якой – развіць навыкі выразнага чытання і маўлення на беларускай мове. У 2022 годзе канферэнцыя выйшла на раённы ўзровень, каардынатарам якой з’яўляецца настаўнік-метадыст Ірына Уладзіміраўна Рэпенка.
Вучні самі рыхтуюць для пераказа ці інсцэніроўкі творы розных беларускіх аўтараў. У гэты раз тэмай канферэнцыі для 7–8-х класаў была абвешчана «Малавядомае ў культуры беларусаў».
Суботні ранак запрасіў на мерапрыемства вучняў розных класаў. Юныя артысты паказвалі інсцэніроўку ўрыўка з малавядомага абрада беларусаў «Вяселле», у якім віншавалі маладажонаў, жадалі ім шчасця і ўсяго найлепшага. У абрадзе паказваецца, што жаніцьба – важная і своеасаблівая падзея ў жыцці чалавека. Падрыхтоўка да мерапрыемства была вельмі сур’ёзная.
– Пры падрыхтоўцы да канферэнцыі вучні самі пажадалі інсцэніраваць урывак з абрада «Вяселле», – кажа настаўнік беларускай мовы і літаратуры Алена Аляксандраўна Шастакова. – І работа закіпела: падбор дзеючых асоб, касцюмаў, музычнага афармлення, напісанне сцэнарыя, рэпетыцыі… На мой погляд, першы паказ (а для некаторых вучняў гэта першыя крокі на сцэне) сёння ў іх атрымаўся нядрэнна.
Пасля інсцэніроўкі, вучні расказалі пра беларускія прадметы гаспадаркі (вугляны і драўляны прас, ткацкі станок, ступку і інш.), іх адметнасці і асаблівасці. Таксама правялі віктарыну для гледачоў па беларускіх абрадах і народных рамёствах.
У канцы мерапрыемства ўсім ўдзельнікам каардынатар ўручыла сертыфікаты, як памяць пра канферэнцыю.
Зараз, вучні працягваюць рыхтавацца да наступнага, раённага этапу.
Захар ХВАСТОЎ,
вучань 11-га класса «Б»,
Пухавіцкі раён,
Мар’інагорская гімназія.
