У рамках правядзення рэспубліканскай акцыі «Нашы дзеці» навучэнцы 4-га класа Круцілавіцкай школы падарылі выхаванцам дашкольных груп навагоднія ёлачныя ўпрыгожванні, якія зрабілі сваімі рукамі.
Чацвёртакласнікі ў вершаванай форме пажадалі малодшым сябрам моцнага здароўя, поспехаў ва ўсіх справах, добрага настрою і шчаслівага Раства і Новага года. Маленькія выхаванцы былі ўражаны прыемным сюрпрызам і з цікавасцю разглядалі падарункі. А вучні таксама засталіся задаволеныя тым, што змаглі падараваць не толькі ўласныя падарункі, але і прынесці столькі радасці малышам.
Мерапрыемства прайшло ў добразычлівай перадсвяточнай атмасферы.
Ала Уладзіміраўна ЛАЗОВІК,
класны кіраўнік 4-га класа,
Дзятлаўскі раён, Круцілавіцкая школа.
