Памяць – гэта тое, што злучае нас з нашымі продкамі, іх гераічным подзвігам. На франтах Вялікай Айчыннай вайны змагалася безліч беларусаў. Многія з іх прыйшлі з вайны скалечанымі і знявечанымі, а многія ўвогуле не вярнуліся. Дзякуючы подзвігу нашых продкаў мы жывем у міры.
У гэтым годзе мы святкуем асаблівую дату – 80 год з Дня вызвалення Беларусі ад нямецка-фашысцкіх захопнікаў. З гэтай нагоды бібліятэкар філіяла «Альхоўская сельская бібліятэка» правяла для вучняў малодшых класаў Альхоўскай школы ўрок-гутарку «Крокамі вызвалення».
Дзеці даведаліся аб жахах таго часу, аб актыўным супраціўленні нашых воінаў, якія не жадалі аддаць ні пядзі роднай зямлі. Пазнаёміліся з кнігай «Юныя героі», якая распавядае пра хлопчыкаў і дзяўчынак, што змагаліся на адным узроўні з дарослымі, здзяйснялі сапраўдныя подзвігі. Звярнуліся і да тэмы генацыду. Праз паказ карнай палітыкі бібліятэкар Юлія Аляксандраўна Заруба імкнулася паказаць, што наш народ гераічны і мужны. Важна захоўваць патрыятызм і мужнасць зараз, аддаючы пашану подзвігу нашых продкаў. Мерапрыемства ўзрушыла ўдзельнікаў, прымусіла задумацца над важнымі адвечнымі пытаннямі.
Вольга Мечыславаўна ЗАЯНЧКОЎСКАЯ,
бібліятэкар Астравецкай раённай бібліятэкі.
