Урачыстасць у Дзень Канстытуцыі Рэспублікі Беларусь, падчас якой актывістам раёна былі ўручаны самыя важныя дакументы, выклікала ў мяне не толькі пачуццё хвалявання, але і гонару.
Я трымаю ў руках свой першы галоўны дакумент – пашпарт. З гэтага дня я – паўнапраўны грамадзянін сваёй краіны. Глыбока пераканана, што пашпарт у першую чаргу надзяляе нас адказнасцю за свае паводзіны, за адносіны да грамадства. Грамадзянскасць – гэта знітаванасць з дзяржавай, з народам.
Люблю сваю Беларусь, свой родны куток. Буду рабіць усё, што ад мяне залежыць, на карысць маёй Радзімы.
Ганна КАНАНОВІЧ,
піянер-лідар піянерскай дружыны «Зорная»
Ганцавіцкі раён, Хатыніцкая школа.
