Не адзін год у Канюхоўскай школе дзейнічае гурток «Спадчына», дзе дзеці знаёмяцца з цікавымі нацыянальнымі традыцыямі, абрадамі і звычаямі, народнымі святамі.
Дапамагае школе ў выхаванні хлопчыкаў і дзяўчынак, настаяцель Храма Святога Благавернага Аляксандра Неўскага Рыгор Каляда. Настаяцель Храма заўсёды жаданы госць, праводзіць бацькоўскія сходы, лінейкі.
Тэмы сустрэч самыя рознабаковыя: «Біблейскія запаветы», «Аснова выхавання», «Не адступіся».
Традыцыйна праводзіць свята «Багач», «Каляда», «Масленіца», «Пасха», «Сёмуха».
Галоўным летнім святам лічыцца Купалле. Свята найвышейшага росквіту прыроды, вядома пад назвай Сёмухі, Тройцы і святкуецца на сёмым і восьмым тыдні пасля Вялікадня, сімвалізуе ўшанаванне зеляніны, дрэў і кветак, што знаходзяцца ў сваім росквіце. Адным з галоўных абрадаў гэтага свята было «Завіванне» бярозкі.
У прышкольным летнім аздараўленчым лагеры «Сонейка» прайшло свята «Зялёныя святкi або Сёмуха». Дзеці з вялікай адказнасцю рыхтаваліся да яго. Клас упрыгожылі бярозавымі галінкамі і кветкамі, што стварыла святочны настрой. Вучні не толькі даведаліся пра галоўны абрад свята, але і самі сталі непасрэднымі яго ўдзельнікамі. Не абышлося і без традыцыйных страў свята – юшкі, яечні, пірагоў.
Ларыса Дзмітрыеўна ЖВАЛЕЎСКАЯ,
выхавацель,
Бераставіцкі раён, Канюхоўская школа,
аздараўленчы лагер «Сонейка».
