Насычаны падзеямі дзень прайшоў у аздараўленчым лагеры «#Вместе_ярче» Пятрэвіцкай школы.
Пачаўся дзень «Дарогі памяці» з экскурсіі ў школьны музей. Дырэктар музея А. У. Пяцэвіч пазнаёміла выхаванцаў з этапамі вызвалення нашай Радзімы ад нямецка-фашысцкіх захопнікаў, з героямі, якія ахвяравалі сваё жыццё дзеля адзінай народнай мэты. Асабліва цікавым быў аповед аб падзеях, якія адбываліся на тэрыторыі нашага аграгарадка ў гады ваеннага ліхалецця.
Выхаванец Ягор Якушэнка прыняў удзел у акцыі «Пошук», дзякуючы чаму школьны музей папоўніўся новым экспанатам.
Падчас аперацыі «Помнім героя» кожны з удзельнікаў пастараўся ўнесці свой уклад у навядзенне парадку ля помніка землякам, якія загінулі ў гады Вялікай Айчыннай вайны.
Таццяна Уладзіміраўна ГІРЫНОВІЧ,
дырэктар аздараўленчага лагера «#Вместе_ярче»,
Навагрудскі раён, Пятрэвіцкая школа.
