Святочны канцэрт, тэматычныя фотазоны і салюты сталі ўпрыгожаннем галоўнага свята нашай краіны – Дня Незалежнасці.
Астравецкая раённая бібліятэка падрыхтавала інтэрактыўную пляцоўку «Вайна ў лёсе роднага края». Кожны жадаючы мог знайсці занятак згодна са сваім густам. Аматары інтэлектуальных гульняў прынялі удзел у святочным шашачным турніры, а аматары паэзіі – ў чытанні вершаў. Паэтычны мікрафон «Мы о войне стихами говорим» запрашаў кожнага жадаючага прачытаць верш аб ваенных падзеях. Для юных аматараў кнігі. Для іх арганізавалі пляцоўку «Выхоўваем юнага чытача». Бацькі разам з дзецьмі маглі пачытаць любімыя кнігі на дыване. Была разгорнута арт-пляцоўка для дзетак «Расцвела салютами Победа».
Самыя азартныя паспыталі шчасце ў бяспроіграшнай латарэі. Адмысловая фотазона «#80-годдзе вызвалення Беларусі» дала магчымасць зрабіць яркія фотаздымкі, ушанаваць памяць загінуўшых герояў паіменна.
Вольга Мечыславаўна ЗАЯНЧКОЎСКАЯ,
бібліятэкар Астравецкай раённай бібліятэкі.
